Nokkrar breytingar hafa orðið á starfsmannahópi skólans síðustu vikur.

• Anna Björg Pálsdóttir hefur sagt starfi sínu lausu sem kennari í 10. bekk og farið í önnur störf. Í stað hennar kom Guðjón Gunnarsson sem áður hefur komið að kennslu í árganginum. Hann gengur í störf Önnu Bjargar og leysir þau út veturinn.
• Ágústa Kristrún Ingvarsdóttir er komin inn sem kennari í 8. bekk.
• Flóra Baldvinsdóttir og Nadía Atladóttir eru komnar inn sem forfallakennarar.

Þið eigið nú öll að hafa fengið póst frá Litmynd þar sem í boði er að skoða og panta ljósmyndir af nemendum. Hópmynd af nemendum 10. bekkjar verður einnig tilbúin fljótlega. Við ákváðum að taka myndir af öllum nemendum skólans í ár en venjan verður sú að tekin verður mynd af nemendum í 10. bekk, þá bæði einstaklings- og hópmynd.

Í næstu viku munum við ljúka yfirfærslu yfir á @kopskolar.is umhverfið. Einhverjir nemendur vilja færa öll sín gögn af @horduvallaskoli.is drifinu sínu og yfir á kopskolar. Það er ekkert mál ef gert er í tölvu og hér má finna leiðbeiningar til að gera þetta í tölvu. Við biðjum ykkur um að ræða við ykkar barn hvort því vanti aðstoð við þennan flutning. Gamla drifinu verður fljótlega lokað og þá verður ekki hægt að nálgast gögn inni á því.

Í morgun var skólaþing Kóraskóla haldið. Markmið skólaþingsins eru að nemendur fái vettvang og rödd til að hafa áhrif á skólastarf Kóraskóla og starfsemi Kúlunnar, félagsmiðstöðvar. Nemendum var skipt í 8 – 10 barna hópa þvert á árganga þar sem nemendur í 10. bekk héldu utan um ritun hvers hóps fyrir sig.

Umræðuefnin á þinginu voru:

• Með hvaða hætti er hægt að efla áhuga nemenda á lestri?
• Hvernig getum við bætt umgengni í Kóraskóla?
• Hvernig eflum við virkni nemenda í kennslustundum.
• Annað sem nemendur vilja ræða eða vilja breyta í skólanum eða félagsmiðstöð.

Skólaþingið gekk vel og ræddu nemendur saman í 30-40 mínútur. Við höfum nú fengið töluvert af gögnum til okkar sem við munum vinna úr á næstu vikum.